अम्बे मैया दुर्गे मैया पार की लगइया
माता दीजो पिता दीजो दीजो एक बहनिया एक बिरन मोहे ऐसो दीजो राखी के बंधइया
सासू दीजो ससुरा दीजो दीजो एक ननदिया एक देवर मोहे ऐसो दीजो होली के खिलइया
महला दीजो दुमहला दीजो दीजो एक अटरिया छोटा सा एक अंगना दीजो ज़हां रहें तुलसा मैया
धन भी दीजो दौलत दीजो और दीजो रूपइया प्यारी सी एक बेटी दीजो कन्यादान करइया
गइया दीजो बछड़ा दीजो दीजो दूध दुहइया छोटा सा एक बेटा दीजो दूध को पिवइया
No comments:
Post a Comment